【澳門兩日自駕遊】三大好去處！澳門美食+食翅+住宿賭場有好介紹？

香港同澳門一齊放寬口罩令！Kilowatt 小隊同大家一樣急不及待到澳門呼吸新鮮空氣嚟個「Weekend Getaway」旅遊～有車嘅朋友揸車去澳門最爽？無車嘅朋友一樣好方便？千祈唔好放過週末 2 日小假期，趁年輕就係要捉緊青春嘅尾巴！小編即刻介紹澳門三大好去處、食好西+食翅四大聖地、兩日一夜特色住宿+賭場推介！

揸車去澳門最方便？

搭船難買非、坐金巴唔方便？現時香港私家車車主無需申請配額，可經《港珠澳大橋澳門口岸泊車轉乘計劃》，自駕到港珠澳大橋澳門邊檢大樓東停車場作短期停泊。車主可申領「封閉道路通行許可證」及於網上平台預留澳門停車場車位，同時可購買澳門短期保險。以 Tesla Model 3 網上投保，9天保險期為例，價錢只需82澳門元，分分鐘仲平過搭船！

唔想麻煩？Kilowatt 現正推出 「港珠澳大橋澳門口岸泊車轉乘計劃」 代辦，全套代辦費用為 $800（內地+澳門保險+香港禁區證，保險及其他文件費實報實銷）。如想申請代辦服務請按此。

最新 2023 澳門有咩好去處？

1. 日本 teamLab 超自然空間藝術展

來自日本的沉浸式藝術體驗展覽，面積達5000平方米，作品於世界各地藝術機構展出如洛杉磯現代美術館、悉尼新南威爾士州美術館等。參觀藝術館的人士可以一同將身體沉浸於巨型作品群中，融入作品並成為作品的一部分之餘，更可與他人一起創造作品。

參觀人士可用手、腳、身體與作品進行「互動」，例如《與花共生的動物們II》當參觀人士觸摸動物，花朵就會飄散而去。作品不是預先於電腦製作的錄像，而實時繪製而成。製作團隊由是由藝術家、程序員、CG動畫師、建築師等領域專家制作組成。

網址：teamLab超自然空間
立即預訂：Klook 澳門 teamLab 超自然空間門票 HK$179 起
地址：氹仔望德聖母灣大馬路澳門威尼斯人金光會展展覽館F館
單人門票價錢：HK$188-HK$268

2. 氹仔官也街

官也街是氹仔本地居民平日聚居的核心地帶，沿途都是富有舊城區味道的建築。附近出名多地道餐廳同特色小食店，每間都堪稱歷史悠久。例如著名的誠昌飯店蟹粥就是始於1960年氹仔小漁村、木偶葡國餐廳於1977年由土生葡人創立、莫義記甜品店號稱擁有80年歷史等等。官也街同時有多間手信店，例如米芝蓮指南都有介紹的晃記餅家，並評「杏仁餅和蛋捲尤具水準」，所以無論是欣賞舊城建築、品賞當地特色餐廳，還是購買伴手禮，氹仔官也街都幾乎是到澳門旅遊必去的地方。

地址：澳門氹仔官也街20號

3. 大潭山眺望臺

乘撘斜行式升降機就可以到大潭山眺望臺俯瞰整個路氹城區的建築群及景色。感覺上就類似乘撘纜車到香港太平山山頂欣賞維港景色，不同嘅係撘升降機到大潭山眺望臺係完全免費。眺望平臺是一個公園式的設計，有綠植亦有可供參觀人士休憩的地方，平臺的主景觀可以欣賞到龍環葡韻濕地生態區，整個眺望臺絕對屬於繁華熱鬧城市中的一點寧靜和休閑，非常適合午晚飯後散步觀光。

地址：司徒澤雄神父馬路

澳門食好西有乜好介紹？

1. Antonio 安東尼奧餐廳

嚟到澳門又點可以唔試傳統葡國菜餐廳，Antonio獲本地海外多次採訪及報道，葡萄牙正宗的烹調手法入選米芝蓮指南香港澳門，此外更獲亞洲最佳餐廳評鑑、Tatler 香港及澳門最佳食府等獎項。餐廳歐式裝潢，格調十足。適合旅遊、喜慶日子、二人世界聚餐，儀式感絕對拉滿！想像係一個熱情洋溢嘅晚上品嘗好多人都讚好嘅葡式焗鴨飯同海鮮雜燴，料多飯足，配經典橙酒班戟做甜品真係一絕～

網址：https://antoniomacau.com/
地址：氹仔舊城區木鐸街7號地舖
電話：853 2888 8668

2. 誠昌飯店

港澳兩地要食到水蟹粥嘅餐廳實在不多，以為食粥就平平無奇？其實誠昌飯店係澳門經濟局「特色店計劃」特色的餐飲及零售業商鋪之一，雖然唔似得其他中菜館有豪華裝潢同舒服嘅座位，不過誠昌飯店嘅黃金水蟹粥勝在由肉蟹、花膏蟹、水蟹每日花2-3小時真材實料熬煮而成，配上葱花，香氣鮮味濃郁四溢、滑而不膩，係一款非常經典且有味道嘅廣式粥品。除左蟹粥，金沙大蝦、豉汁蒸大鱔、椒鹽鮮魷同樣都係招牌菜式，兩個人去叫個粥加個小食就啱晒啦～

網址：https://sengcheong.mo/
地址：氹仔舊城區官也街28-30號
電話：853 2882 5323

3. 「自助山」自助餐

澳門上葡京酒店的「自助山」自助餐超抵食！嚟到澳門旅遊想舒舒服服服、大吃特喝食番夠本，自助山就有包括海鮮、刺身、鮑魚、龍躉、龍蝦等上乘時令食材，中西歐陸、馬來西亞、新加坡、印度等環球佳餚美食外，仲有全澳門自助餐唯一嘅戶外燒烤區！適逢全面通關，自助餐不時都會搞大優惠，原本午市正價每位298澳門元，訂位快閃優惠可抵至買一送一！

網址：https://www.grandlisboapalace.com/tc/restaurants-n-bars/the-grand-buffet
立即預訂：Klook 澳門上葡京酒店「自助山」自助餐 HK$301 起
地址：澳門上葡京西翼三樓308號
電話：853 8881 1800

4.  譚家魚翅

澳門旅遊局都隆重推介嘅譚家魚翅，以魚翅山珍海味中菜菜式為主，將貴價魚翅鮑魚平民化嘅良心食店！最平嘅套餐50多澳門元就有交易，如果想食得好啲，過1000澳門元嘅珍貴天九翅、溏心鮑、日本遼參都一樣有。雖然以中菜價錢嚟講確實唔算平架啦，不過除左去飲之外都食到足料嘅高級海味就真係好少見～食完之外仲可以買埋譚家魚翅酸辣辣椒醬作為手信添！

地址：氹仔舊城區告利雅施利華街30號地下
電話：853 2882 7840

澳門兩日一夜住邊好？

1. 澳門威尼斯人度假村， 澳門巴黎人， 澳門倫敦人

威尼斯人一個字「大」！意大利威尼斯水鄉式設計，可以享受購物中心人工湖獨有的貢多拉之旅之餘，內有威尼斯人劇場，可以欣賞知名藝術家及樂團的表演；有金光綜藝館睇演唱會、展覽會及體育賽事；甚至小型高爾夫球場淺嚐特飲、高球耍樂。玩到攰又有水療、按摩、中式足部反射療法、桑拿、按摩池、蒸汽浴室。想醫肚仲有米芝蓮星級食府「皇雀印度餐廳」俾你享盡美饌佳餚。再加上重磅賭場包括百家樂、輪盤、大細、角子機等博彩遊戲，名副其實、應有盡有！

地址：澳門望德聖母灣大馬路威尼斯人渡假村酒店
立即預訂：
Klook 澳門威尼斯人酒店每晚 HK$ 2,643 起
Klook 澳門巴黎人酒店每晚 HK$ 2,127 起
Klook 澳門倫敦人酒店每晚 HK$ 10,591 起
Klook 澳門喜來登大酒店每晚 HK$ 1,660 起
Agoda 澳門威尼斯人酒店每晚 HK$ 2,125 起
Agoda 澳門巴黎人酒店每晚 HK$ 1,255 起
Agoda 澳門倫敦人酒店每晚 HK$ 8,343 起
Agoda 澳門喜來登大酒店每晚 HK$ 1,798 起

2. 澳門葡京人 LINE FRIENDS

澳門葡京人全球首間 LINE FRIENDS PRESENTS CASA DE AMIGO 特色異國情調客房！三種主題房風格包括「BROWN」、「CONY」及「LINE FRIENDS」可愛、活潑加上繽紛色彩，盡顯東方簡約及葡萄牙建築之美。系列共提供 82 間客房及套房，有由 40 平方嘅高級客房到 75 平方嘅特大露台套房可供選擇。酒店內鐘意運動嘅有室內游泳池；鐘意刺激冒險嘅有 GOAIRBORNE 室内跳傘以及亞太區首個城市高空滑索景點等娛樂活動配套，成個package影相打卡真係一流！

地址：澳門路氹溜冰路澳門葡京人
立即預訂：
Klook 澳門 LINE FRIENDS 主題酒店酒店每晚 HK$1,808 起
Klook 澳門葡京人酒店酒店每晚 HK$986 起
Agoda 澳門 LINE FRIENDS 主題酒店酒店每晚 HK$1,270 起
Agoda 澳門葡京人酒店酒店每晚 HK$833 起

Kilowatt 忠告：小賭怡情，切勿沉迷賭博，娛樂應以理性為主。

Kilowatt 現正推出 「港珠澳大橋澳門口岸泊車轉乘計劃」 代辦，全套代辦費用為 $800（內地+澳門保險+香港禁區證，保險及其他文件費實報實銷）。如想申請代辦服務請按此。