大嶼山揸車一日遊，探索香港最西面，同埸加映：港珠澳大橋「北上 / 過大海」！

農曆新年同復活節又有好去處推介啦！大嶼山自駕一日遊有咩好去處？原來2024年昂坪360、大澳同東薈城都有新玩法！去大嶼山唔再只係睇天壇大佛同寶蓮禪寺咁簡單，乜原來機場充電更著數？一齊睇下有咩咁特別啦！

昂坪 360

昂坪360農曆新年初一至初四(2月10至13日)都會正常開放，由早上9時至晚上8時，最適合新年行大運！除咗可以看到著名的34公尺高及250噸青銅鑄造的天壇大佛、建於1906年的世界名剎，擁有宏偉壯麗建築的寶蓮禪寺之外，亦都有適合一家大細嘅親子活動！例如位於大嶼山昂坪市集嘅360動感影院，成人HK$40、小童HK$20就可以體驗濺水、震動、風效等刺激的感官效果，潛望中華白海豚水域，遨遊大嶼山；亦有香港巧克力藝術坊，參觀由來自烏克蘭的巧克力師親手製作的388件巧克力展品，以及參與2D及3D巧克力藝術品DIY工作坊。

大澳

大澳可謂不斷推陳出新！波光粼粼的懷舊小漁村搖身一變成為打卡熱點，例如欣賞沿着河道兩岸而建的古樸棚屋，品嘗沿街大魚蛋、炸沙翁、豆腐花等特色小食，又或到咖啡店、茶餐廳享受一個恬靜怡人的下午。而最近數月又有新興的「CityWalk深度遊」，包括參觀和入住由大澳警署修復而成的大澳文物酒店，內有經過活化的9間客房及擁玻璃屋頂為「Tai O Lookout」的餐廳，精品酒店由村內廣場往西通過沿海小徑即可到達！同時，可以前往虎山觀景台，飽覽珠海及澳門對岸的大廈景色和有中華白海豚蹤影的地方；亦可前往大澳海濱長廊，觀賞大片紅樹林以及彈塗魚、招潮蟹等動植物。更有機會看到野生中華白海豚！

東薈城

東薈城名店倉近年已擴展到連接東涌藍天海岸！東薈城名店倉內的品牌商店每隔幾年就煥然一新，現時除了有常駐的Adidas、Timberland、Puma、Columbia等運動、爬山、球鞋種類的Outlet之外，誠品書店、玩具反斗城、冒險樂園，甚至甜品界的愛馬仕Cova亦一併進駐。此外，東薈城聯乘香港本地藝術家Bao Ho和Messy Desk，將明艷的色彩繪畫帶到東薈城商場內，又增熱門打卡熱點！無論是親子玩樂還是文青遊歷，都總會找到自己的心頭好。而且，東薈城已拓展到連接藍天海岸，通過玻璃透頂長廊就可以前往東薈城的另一側，千萬不要以為東薈城只有小小幾層！

• 延伸閲讀：大嶼山自駕遊申請懶人包 2024 (附景點及美食指南)

大嶼山充電之選 – 富東A Shell Recharge 充電站！

大嶼山一日遊又點少得泊車充電，去完昂坪360、大澳再去東薈城shopping掃貨，起碼都要5-8小時，期間絕對唔可以浪費時間，要好好為愛車power up先得！所以今次就介紹富東A Shell Recharge充電站啦！

東涌 Shell Recharge 充電站位於領展富東A停車場內，平日泊足12小時都只係HK$130，最啱就係邊泊邊充電，因為Shell Recharge嘅充電站都有一個特點就係充完電可以係充電位原地享受剩餘的泊車時數，充完電唔洗急急腳返去充電位移車，咁去昂坪360或大澳都唔洗有任何顧慮啦！

大嶼山 Shell Recharge 充電方案推薦！

富東A Shell Recharge充電站總共有14枝充電樁，包括2個DC快充及12個AC中充。充電站支援CCS Combo 2和Type 2連接器，DC快充的充電功率最高可達120kW，中充則最高達7kW。充電方面，小編推薦3個充電方案：

1）AC中充12小時HK$120推廣優惠。最高50kWh，無論日夜充12小時都是HK$120，剛好跟富東A停車場泊車12小時的收費方案吻合，泊車12小時就充足12小時，一秒都不會浪費。計返每度電只需港幣$2.2 起 。

2）DC快充60分鐘HK$195有20%折扣優惠。同樣最高50kWh，超充60分鐘最啱就係泊車充電後去東薈城行街shopping又或者去食個飯醫下肚，完事就剛好返到停車場取車去一個目的地啦。

3）AC中充2小時HK$25。最高7.5kWh，HK$25的價錢是Shell Recharge最便宜的充電方案，適合應急充電。如果本身住村屋有停車位，又或私人泊車位帶有的充電樁充電更划算的話，就可以選擇較便宜的應急充電方案。

地址：大嶼山東涌富東街6號富東邨停車場地下

同埸加映：港珠澳大橋「北上 / 過大海」！

去澳門或珠海出發前記得充滿電！由香港市區去港珠澳大橋人工島可能已經超過100公里，再加上港珠澳大橋全長55公里，去澳門或珠海如果唔事先充滿電，去程同回程都有機會唔夠電，輕則要周圍揾充電站，重則要叫拖車回港！又或者本身唔想破費買HK$6000一個CCS2歐標轉國標GB/T的充電轉插，就要記得係去程嘅時候充滿電啦！所以今次就同埸加映「北上 / 過大海」充電好去處——赤鱲角機場貨運中心充電站！

• 延伸閲讀：2024「港車北上」申請攻略懶人包，6大步驟｜附抽籤小貼士！
• 延伸閲讀：【揸車去澳門懶人包】揸車過大海，經港珠澳大橋去澳門口岸停車場泊車攻略！

Shell Recharge 機場貨運大樓油站充電站！

位於機場貨運大樓油站的Shell Recharge充電站總共有4枝充電樁，包括2個DC快充及2個AC中充。充電站支援CCS Combo 2和Type 2連接器，DC快充的充電功率最高可達60kW，中充則最高達7kW。充電方面，因為目的地是「北上 / 過大海」，所以就唔推薦太過耗時嘅AC中充方案啦，小編推薦2個DC快充方案：

1）DC快充60分鐘HK$74。最高20kWh，即使不足以充滿電，相信都夠晒彌補由市區去港珠澳大橋人工島所消耗的電量。而且，貨運大樓附近都算荒涼，很難有具娛樂性的節目，所以單純以充電為目的1個小時充電就當然選擇所需時間更短嘅DC快充啦！

2）DC快充60分鐘HK$156。最高40kWh，現時有20%折扣優惠，選擇原因無他，因為夠平。如果自己架愛車前一日忘記充電，嚴重缺電嘅情況下，呢個快充優惠方案就啱晒啦

地址：赤鱲角赤鱲角南路10號

Shell Recharge 使用秘技！

用得DC快充通常都好趕時間架啦！想進一步節省時間：一，使用前就要記得先下載Shell Recharge App！到達充電站嘅時候就可以立即掃描充電樁上嘅二維碼，然後選擇充電價錢和方案；充電期間亦都可以實時查看充電狀況，充電完成後即可係App內終止充電，一秒都唔會浪費。所以，記得先下載，後使用啦！二，Shell Recharge App充電方案中不時會有 「Special Promo」推廣優惠字樣，會有8折優惠，亦即是充電免費升級，原本充電方案8小時，同樣價錢可以充電12小時，抵到爛！