將軍澳跨灣大橋單車遊

將軍澳—藍田隧道（將藍隧道）及將軍澳跨灣連接路（簡稱將軍澳跨灣大橋）自2022年12月通車以來，有效把將軍澳出入市區的車龍分流，加上將軍澳隧道的取消收費，停車等候的時間少左，週末入將軍澳玩就唔駛再塞車啦。上次講完將藍隧道通車後車主點受惠，今次小編帶大家行踩單車上跨灣大橋，順便介紹沿路餐廳及景點。

將軍澳踩單車泊邊好？

現時將軍澳至康城沿將軍澳灣的單車環線經已完工，踩單車上跨灣大橋最方便係泊將軍澳市中心，再租單車經南海濱、跨灣大橋及日出康城返回將軍澳市中心，全程約5公里。

TKO Spot 尚德廣場是屬於領展的商場，距離香港單車館只係一橋之隔，仲有泊車優惠。場內設兩個停車場A場及B場，場內設3個Tesla V3超級充電站、6個目的地充電站、中電充電站及E-charge 易充站。Tesla 充電設於B場1樓，想充電嘅朋友記得唔好去錯地方啦。

澳南海岸鄰近有單車鋪，場內有Cornerstone充電站。

最後如果一家大細怕麻煩或想泊最近單車店，不妨試下運氣泊香港單車館停車場，不過停車場未有充電設施，以及比較少位。

將軍澳區內單車鋪數量不算多，不過每間提供可租用的單車都有豐富選擇，去之前不妨先格價。

地址：將軍澳至善街3號Savannah地舖G09A

價錢：周一至周五：$40/小時；全日租車$100；周六、周日及公眾假期：$50/小時；全日租車$120

地址：將軍澳單車館單車亭

價錢：週末$100 / 一小時，$110/兩小時，全日租車$150

今次小編選擇於香港單車館出發，由TKO Spot 出發，一樓過橋就到香港單車館。今次幫襯單車館內的單車鋪，租$110兩小時，離開單車館後轉左就會有黃色路牌指引你向大橋方向出發！

見到此路牌後要落斜，轉右經隧道後就會前往澳南海岸 Savannah Place。

到澳南海岸 Savannah Place 記得轉左，會見到另一間單車店BibaQQ宏興單車，之後單車徑只有一條路，可以望見跨灣大橋，向大橋方向繼續進發即可。到橋後可以繼續前往康城，全程約5公里。

先前小編已經介紹過 JOMO，JOMO位於寧靜將軍澳海傍，景觀超級靚，加上無遮無擋，日照能夠射入店內，真係非常Chill。呢度有戶外露天座位，帶埋主子嚟就啱晒！店舖主打自家製蛋糕同純素甜品，亦提供肉食同主食選擇，例如手工意粉同酸種麵包都係好評之作。

對本地精品咖啡熟悉的你，相信對Urban Coffee Roaster這個品牌不會陌生。這次UCR 選址海濱長廊，佔地超過3000呎，可以話係旗艦級分店。門外有復古工業風的字體設計及外賣窗口，不過內裡咖啡設施及餐牌亦有新意思，最後試得試下佢地自家製嘅咖啡雪糕啦！