2023 日出自駕遊

日出自駕遊 2023 地點推介

新一年 2023 新開始，隨著疫情限制即將全面放寬，Kilowatt 小編同大家一樣都希望新一年可以走出陰霾、重新出發！而新年新開始又點少得睇日出、睇晨曦呢，今次就同大家分享 4 個欣賞日出嘅自駕地點！

新年日出自駕遊注意事項！

1. 新年會有較多人流前往觀看日出，記得預早時間泊車及搵位
2. 人多時盡量忍讓及不要阻塞主要通道
3. 日夜温差較大，要穿著足夠保暖衣物
4. 郊外較多蚊蟲，要做好防蚊措施

1. 山頂盧吉道

太平山山頂盧吉道好多人都知睇夜景好靚，不過就無乜人知其實睇日出一樣咁靚！自駕人士可以先於山頂廣場 The Peak 停車場泊車，夜泊(8pm – 12am)只需HK$98；其他時間每小時HK$38；hello紅寶會員每月可享1 小時免費泊車優惠5次。停車場更設有 Tesla 及Mercedes-Benz 電動車充電站。不過，要注意預留時間步行到觀景台。

2. 大帽山郊野公園

荃灣大帽山係香港最高嘅山峰，係唔少人上山觀看日出、日落、雲海、結霜嘅最佳地點！非自駕人士可乘撘51號巴士上山；而自駕人士就要注意安全啦，因為上山道路陡峭狹窄、九曲十三彎，晚上至零晨時分亦可能會有「飛車黨」，非常容易出現意外，所以深夜上山嘅時候最好減慢車速同留意流浪牛隻。

3. 大坳門公園

西貢清水灣大坳門公園因為近海嘅關係，可以望到從水平線上升起嘅日出，海景、日出加上絕美公園氣氛跟一般嘅日出感受完全唔同！大坳門公園旁有免費停車場，所以自駕人士不必擔心泊車問題。唯一要注意嘅係公園比較多蚊蟲，記得帶定蚊怕水、驅蚊貼，做好防蚊措施。

4. 飛鵝山

飛鵝山應該都唔需要小編多作介紹了吧！不過巡例都有兩點要提提大家，第一就係扎山道觀景台有停車場泊車位置，不過數量唔多，如果新年上山睇日出最好預足時間泊車同搵位。第二就係自駕駛人士經東邊嘅飛鵝山道上山屬於單程路段，落山時需要經扎山道前往彩雲村。

最後，Kilowatt 希望香港人新一年有個新嘅開始！