【全港18區精選】戲院泊車充電攻略

占士·金馬倫執導2009年上映的《阿凡達》轟動一時，時隔足足13年《阿凡達：水之道》終於面世！當年科技特效超前，帶來前所未有嘅視覺震撼。而《阿凡達：水之道》會唔會再一次刷新觀眾嘅觀影體驗？Kilowatt 小隊就精選咗港九新界多區揸車必去戲院！以下推薦戲院會乎合條件：

1. 戲院附近有停車場
2. 停車場有電車充電位
3. 商場有泊車優惠

英皇戲院荃灣 — 荃新天地 Citywalk

荃新天地 Citywalk 位於荃灣楊屋道1號，附近有行人天橋連接如心廣場、海之戀、荃灣廣場等多個大型地標商埸。睇戲、行街、購物、食好西一應俱全！

荃新天地 Citywalk 附近的充電站

如心廣場一期有2個中電CLP免費充電站；如心廣場二期有4個收費充電站；荃灣西站有2個免費充電站；Plaza 88有4個收費充電站及 Tesla 超級充電站。

荃新天地 Citywalk 泊車收費及泊車優惠

荃新天地一期有停車場有免費充電站；二期停車場也有免費充電站。

停車場收費星期一至五每小時HK$18；星期六、日及公眾假期每小時HK$25，只接受八達通支付。至於泊車優惠，只需於荃新天地或荃新天地2以最多兩張電子消費收據滿HK$200即可尊享1小時免費泊車時數；滿HK$400或以上即可尊享2小時即日免費泊車優惠。

CGV Cinema — D2 Place 停車場

D2 Place位於荔枝角長義街9號，以市集及各式小店聞名。幾乎每星期假日都會有不同主題嘅市集例如動物市集、聖誕市集、茶餐廳市集，D2 Place內亦有好多非連鎖式類精品店以及食肆，令人眼前一亮！

D2 Place 附近的充電站

長沙灣廣場有3個Tesla目的地充電站；羅氏商業廣場有2個免費易充站 E-Charge充電站。

D2 Place 泊車收費及泊車優惠

D2 Place停車場泊車收費每小時HK$23，星期一至五非公眾假期早上8時至晚上6時日泊HK$100。至於泊車優惠，只需於D2 Place一期或二期以最多兩張電子消費收據滿HK$300即可尊享1小時免費泊車時數；滿HK$500或以上即可尊享2小時即日免費泊車優惠。

嘉禾 The Sky 奧海城 — 奧海城停車場

奧海城 Olympian City 位於大角咀海庭道18號，是西九龍區主要購物商場。商場內有多大型連鎖品牌及食肆，包括無印良品Muji、英國馬莎M&S等，附近亦有特色酒巴及美食。

奧海城 Olympian City 附近的充電站

浪澄灣有中電CLP免費充電站。油尖旺區的廣東道停車場有Tesla免費充電站；始創中心有2個易充站 E-Charge免費充電站。

奧海城 Olympian City 泊車收費及泊車優惠

奧海城Olympian City一期/二期/三期停車場星期一至五泊車收費為每小時HK$17-20；星期六日及公眾假期為每小時HK$18-24。奧海城一期早上7時至晚上8時日泊HK$120。奧海城二期星期日至四晚上10時至翌日早上7時夜泊HK$130。

泊車優惠：

嘉禾黃埔 — 黃埔天地停車場

黃埔天地 The Whampoa 位於九龍紅磡黃埔花園。黃埔天地由12個主題商場組成包括美食坊、時尚坊、聚寶坊等，匯聚時裝、精品、美食、影音電器及娛樂設施。

黃埔天地 The Whampoa 泊車收費及泊車優惠

黃埔天地 The Whampoa 星期一至五泊車收費為每小時$16；星期六、日及公眾假期為每小時$20。由2022年12月9日起，星期一至五凡於黃埔天地指定商戶單一發票以電子消費滿HK$200或以上，即可於黃埔天地時租停車場及海濱廣場時租停車場享2小時即日免費泊車優惠；星期六、日及公眾假期滿HK$400或以上，即享4小時即日免費泊車優惠。

MCL 數碼港 — 數碼港停車場

揸得電動車，應該唔介意揸遠少少遊車河。薄扶林的數碼港商場勝在唔會太逼，多泊位，鄰近仲有海濱長廊可以睇日落，係到過足整日也不錯。週末商場亦會係平台草地舉辦免費電影播放，啱晒一家大細。惟商場內食肆選擇不算多，不過停車場車位滿的機會頗低。

MCL 數碼港附近的充電站

數碼港一期停車埸係最近海濱長廊的充電停車場，場內有多個充電站數碼港一號停車場 V3 超級充電站有港燈 HKE 充電站及Tesla V2超充站。資訊道亦設2小時錶位。

數碼港泊車收費及泊車優惠

數碼港停車場每小時收費$22，晚上八時至翌日八時每小時收費$8 。於數碼港商場消費（包括戲院）可享泊車優惠，消費滿$100免1小時，消費滿$200免2小時，消費滿$400免4小時，適用於一期、二期、三期停車場。

Premiere Elements – 圓方停車場

位於九龍站上蓋的圓方，鄰近M+博物館及西九海濱長廊。隔離就係西九龍公路，即使由大西北出來亦不算太遠，加上 Premiere Elements 是全港最大的戲院，共有12個影廳，商場內食肆也有很多選擇。

Premiere Elements 附近的充電站

Premiere Elements 附近的充電站包括圓方北停車場的Tesla充電站及易充站 E-Charge 充電站。 ICC 環球貿易廣場停車場亦設有充電站，另外，西九龍文化區 E 區停車場亦設有易充站 E-Charge 充電站。

圓方泊車收費及泊車優惠

圓方北停車場共有多個充電站，包括 Tesla V2 及 V3超級充電站。圓方北停車場收費每小時 $22元。至於泊車優惠，憑即日電子消費滿HK$400，可享4小時免費泊車優惠，另憑2張Premiere Cinemas 電影戲票可享額外2小時免費泊車優惠。（最新圓方泊車優惠可按此）

Grand Kornhill Cinema — 康怡廣場停車場

康怡廣場停車場多達3層的時租泊位，即使週末一定有位泊車。不過充電位的比例就不算多，集中於5樓約10個車位。Grand Kornhill Cinema （原名 MCL 康怡）於2017年翻新，引入MX4D 技術，睇完戲再去 Aeon 或太古城行街也是不錯的選擇。

MCL 康怡附近的充電站

康怡廣場停車場5樓有 Tesla 中速充電站、Mercedes EQ 充電站以及易充站 E-Charge 充電站。

MCL 康怡泊車收費及泊車優惠

康怡廣場停車場每小時收費$26元。逢星期一至五，電子消費滿HK$200，可享2小時免費泊車優惠，電子消費滿HK$300，可享3小時免費泊車優惠。週末及公眾假期，電子消費滿HK$300，可享1小時免費泊車優惠，電子消費滿HK$400，可享2小時免費泊車優惠。（詳情可見恆隆網站）

MCL K11 Art House — K11 Musea 及 K11 停車場

MCL K11 Art House附近的充電站

MCL K11 Art House 最近當然是 K11 Musea 停車場，停車場內提供56個 Tesla 充電站，14個易充站 E-Charge 充電站及2個DC快充易充站 E-Charge 充電站。另外，尖沙咀 K11 Art Mall 購物藝術館的停車場，同樣適用 Musea 的消費。

MCL K11 Art House泊車收費及泊車優惠

K11 Musea 停車場，時租逢星期一至四每小時$30，逢星期五至日每小時$35。停車場內的 B4 層將成為電動車層數，所有充電站需收取每小時$8的附加費。

Metroplex 及九龍灣國際展貿中心EMax停車場

星影匯（The Metroplex），位於九龍灣展貿徑1號九龍灣國際展貿中心EMax地下，是 Cinema City 院線旗下的獨立品牌。九龍灣國際展貿中心車場向來多位，不過同一時間如有其他大型活動舉行，則需預留更多時間等候。

Metroplex附近的充電站

Metroplex 最近是九龍灣國際展貿中心停車場的三個充電站，包括Tesla 中速充電站、V2 超級充電站及易充站 E-Charge 充電站。

Metroplex泊車收費及泊車優惠

Metroplex 戲院於憑1張電影票尾可享2小時泊車優惠，2張電影票尾可享4小時泊車優惠。另外於 E-max 消費，滿$100可享1小時免費泊車，滿$200可享2小時免費泊車。兩優惠不能同時使用。