【珠海電動車充電懶人包】歐標充電冇難道！自駕遊必去山姆掃貨、汽車美容！

珠海一日遊之前就介紹過六大景點啦，今次就講下珠海作為港車北上嘅首站，究竟有咩充電好地方！眾所週知，香港嘅大部份電動車都係行歐標(CCS2)充電插頭；而中國內地包括珠海，就係用國標(GB)充電插頭，咁究竟係珠海充電有咩選擇？

Kilowatt App 查 CCS 2充電站！

珠海現時配備 CCS 2 連接器的充電站非常少，變相車主尋找快充的難度大增。DC快充原本約30分鐘就可將電車由20%充至80%；AC 中充則需數小時以上。而Kilowatt App就精選了數個珠海 CCS 2 充電站供大家參考！

• 延伸閲讀：珠海歐標 CCS2 充電攻略 YouTube 影片
• 延伸閲讀：珠海 CCS2 / GB AC 充電站一欖

1）環字城 Tesla V3 超級充電站

位於「珠海市香洲區河北前路96號環宇城」嘅「環字城停車場」Tesla充電站，可謂Tesla車主充電嘅上上之選！站內共有12支DC快充充電樁，其中3支有CCS2連接器，充電功率最高可達250kW。使用時充電泊位前，需要先使用「小特App」解除地鎖。充電收費方面，為¥2.39/kWh。

2）珠海橫琴供電局充電站

位於「珠海市香洲區寶興路紅旗村北側」嘅珠海橫琴供電局停車場充電站，由橫琴南方電網直營，站內共有12支DC快充充電樁，全部配備CCS2連接器。

3）橫琴龐都 Tesla V3 超級充電站

位於「珠海市香洲區勵駿龐都廣場地下負二層A區」嘅「橫琴龐都停車場」Tesla充電站距離橫琴口岸只有一路之隔，地理位置優越！站內共有3支DC快充充電樁，其中1支有CCS2連接器，充電功率最高可達250kW。同樣，使用時充電泊位前，需要先使用「小特App」解除地鎖。充電收費方面，為¥2.39/kWh。

• 延伸閲讀： 珠海 CCS2 / GB AC 充電站一欖

買AC中充「 國標(GB)」轉插！

點解唔推薦買原裝DC快充轉插？皆因DC快充歐標(IEC)/國標(GB)轉插價錢需HK$3000或以上，足夠平遊中國任何一個城市，甚至可以買到台灣、日本、泰國嘅來回機票。為左港車北上一次半次，實在未必值得。相反，AC中充歐標(IEC)/國標(GB)轉插只需約HK$600-800就有交易。購買後就可以使用國內大部份隨處可能嘅充電站，包括各大商場、油站服務站等，都有充電站。當然，Tesla官方的「GB AC 轉接器 (適用於中國內地)」轉插售價依然達HK$3200，不過市面上其實有更多安全又可靠嘅選擇！

• 延伸閲讀：【港車北上充電】電動車車必須買AC/GB轉插？｜珠海充電篇

廣東省各服務區充電救援服務

歡迎致電+86 134 0078 3933 Sunny 查詢報價！如遇上時間有限，需緊急充電，位於「珠海山姆印象城澳來電立文街定點超充站」更可租借歐標超充轉頭充電，價錢為¥60一次。

珠海自駕遊三大親子好去處！

1）珠海山姆會員商店Sam’s Club

美國零售山姆超市Sam’s Club，又或近期深圳開幕嘅Costco於內地非常火熱！而嚟到珠海又點可以唔去掃貨？珠海山姆位於「香州區明珠北路338號珠海印象城」，距離港珠澳大橋珠海人工島約10分鐘車程。跟英國大型超市Tesco類似，珠海印象城店嘅山姆超市面積就達18萬尺、超過4000種商品，都是倉庫式購物類型。不過，唔熟悉山姆超市嘅朋友就要留意，山姆超市採取會員制度，需要先用回鄉證登記成為會員後才能進入超市，個人普通會員年費為人民幣¥260；卓越會員年費為人民幣¥680，可先於微信或親臨現場開通會員。

2）珠海長隆旅遊渡假區

珠海長隆早已不是昔日的水上樂園！現時珠海長隆旅遊渡假區包括：長隆海洋王國、長隆宇宙飛船、珠海橫琴長隆劇院、長隆馬戲酒店及多間特色酒店。長隆海洋王國新發展成8大主題園區，除了可以觀賞標誌性海洋動物外，園內還有世界級遊樂設施和大型演藝表演；長隆宇宙飛船則是集合太空場景、特色餐飲、遊樂設施、商品銷售於一身的大型主題樂園；珠海橫琴長隆劇院則於2019年建成開放，是擁有超個6700座席的永久演藝場館，包括「水、陸、空」三維表演；長隆馬戲酒店就是以馬戲表演為主題的酒樓，內有「城堡家庭房」、「雜技房」等特色客房，適合親子家庭同住！

3）珠海海泉灣海洋溫泉

雖然小編上次就介紹過珠海御溫泉，但位於「珠海海泉灣度假區」內嘅「海洋溫泉」就可能更加適合一家大細旅遊玩樂啦！海洋溫泉佔地超過4萬平方米，有超過120種温泉池、超過10種干濕蒸桑拿設施，包含中國及土耳其、古羅馬、日本風呂等異國特色温泉文化。整個海洋溫泉更分為室內、室外、園林三大區域，適合不同年齡、性別、性格的人士前往，總會找到適合自己的溫泉浴池！除海洋溫泉外，珠海海泉灣度假區內還有神秘島主題樂園、漁人碼頭、海泉灣夢幻劇場、運動俱樂部及多種玩樂設施，更有自駕車營地、燒烤區等，可以真正享受「車中泊」自駕遊樂趣！

• 延伸閲讀：【珠海一日遊攻略】珠海夏灣夜市、珠海御温泉、珠海高卡車場好玩處逐一介紹！

珠海自駕遊「洗車」好介紹！

珠海「洗車」究竟有幾平？其實很多車主都知國內洗車或汽車美容絕大部份都會比香港便宜，問題只在於有多便宜！大家都知內地食飯、睇戲、行街，全部靠APP就可以做到，洗車都係一樣，係「高德地圖」搜尋關鍵字「洗車店」、「普洗」、「精洗」等就會有一堆洗車店推介。不過，點先知道邊間抵啲、可靠啲？小編係呢度就分享2個內地常見的消費概念：

1）會員價

跟香港不同，香港商鋪或做品牌的會員大多只會是儲積分，然後使用積分再以優惠價換取其他禮品和商品。但內地大部份店舖成為會員後，是可以即時享受折扣優惠，例如洗車即時8折、立減HK$20元等等。舉例：「高德地圖」有「黑卡聯盟」，於高德地圖下單後，就可以享用比門店價更便宜的洗車服務。

2）充值

充值的意思跟香港一樣，就是先預付一筆錢到商户手中，然後之後每次消費就扣除之前已預付的價錢。充值一般都會有優惠，例如充值¥1000就送¥100，可以抵扣總值¥1100的商店消費。充值越多，優惠越多。內地很多商鋪、品牌例如連鎖食肆、按摩店都會有充值優惠，不過就要留意及慎防於中小型商鋪充值後，店舖倒閉的情況。即使能成功追討款項，跨境追討是一件比較麻煩和耗費精神的事情。