內地買車位要小心？

經港車北上買車位泊車固然方便，不過無論係買車位又好，買樓送車位都好，其實最好都係要落現場睇。事關好多買家都會掉以輕心，睇完圖則就直接買，忽略現場環境！例如車位附近可能有梯級，只能單邊開車門；或者進入車位原來是必須經過其他私人車位，即係買左車位人地唔俾你入，你都用唔到；更誇張嘅係你買嘅車位可能跟其他車位大小不一，小型車先入到，大型車就入唔到。內地買車位咩情況都有機會發生，更多內地買車位資訊，詳細請繼續留意Kilowatt最新消息。

「大灣區睇樓團」都有好多種？

好多地產公司都有舉辦「大灣區睇樓團」。有由香港地產公司舉辦，亦有內地的地產公司舉辦。而且形式多樣，有由香港集合然後前往內地；有自行乘撘金巴前往內地珠海集合。睇樓團的費用有平有貴，由免費的睇樓團到數百港元的睇樓團都有。睇樓團的模式亦可以不一樣，有一架大巴士全程接送；亦有由多架七人車組成的睇樓團。同時，參觀的樓盤有預先由地產公司安排；亦可以有由睇樓人士自行提出參觀指定樓盤。有意參加睇樓團的人士可以先查詢多個地產公司，選擇合適的睇樓團。

【港車北上新玩法】大灣區中山買樓？

「港車北上」帶動大灣區睇樓團？

點解咁多人返內地買樓？有人話樓價歷史低位、適合退休渡假等，但係講到尾其實係交通方便啊！而其中港人最為期待嘅措施之一就係「港車北上」，可以俾香港車主係唔佔用現時常規配額嘅制度下，俾港車來往香港與廣東省。最新消息，港車北上具體日期將會爭取年內實施，所以睇得樓嚟就差唔多啦！

咩係「大灣區睇樓團」？

「睇樓團」一般都係指地產公司安排有意買樓嘅人士參觀各個樓盤。而隨著中央發展大灣區，大灣區11個城市包括香港、澳門、廣州、深圳、珠海、佛山、惠州、東莞、中山、江門及肇慶都有新建成嘅住宅及商業項目，同時有相應嘅睇樓團，亦即是大灣區睇樓團。

「睇樓團」實際係點樣？

「中山睇樓團」過程分享：

過程	經歷要點概括
1	聯絡物業查詢睇樓團事宜
2	睇樓團當日乘撘金巴到珠海
3	抵步後與珠海當地負責人會面
4	乘坐專車到指定地點午膳
5	順序到三個樓盤參觀
6	乘坐專車到口岸自行乘撘金巴回港

過程 1）聯絡物業查詢睇樓團事宜

一般想參加睇樓團嘅人士可以經物業門市、網站上嘅聯絡電話、Whatsapp、微信WeChat、Youtube介紹樓盤影片嘅個別地產代理嘅聯絡電話等聯絡地產公司。由於小編經Youtube影片聯絡嘅地產代理，屬於物業於國內聘請的職員。所以國內職員於微信開了一個群組，內有香港職員、國內職員以及小編本人。小編先跟香港職員接洽，了解睇樓團嘅詳細事宜包括：

「中山睇樓團」團費	HK$98
集合地點	港澳珠澳大橋珠海口岸Z06出口
參觀樓盤	時代美辰、遠洋繁花里、華發觀山水
繳付方式	FPS 轉數快 / 銀行入數
確認收款	電子收據

過程 2）睇樓團當日乘撘金巴到珠海

睇樓團需要當日自行乘撘金巴到港澳珠澳大橋珠海口岸集合，過程比想像中容易。揸車人士可以先網上預約港珠澳大橋香港口岸停車場車位，或選擇乘撘巴士、小巴、的士到港澳珠澳大橋口岸出境。

出境後就會見到人龍排隊買金巴非，如沒有提前買非，可以即時用自動售票機購票，支援一般的電子付款方式；如已提前買非，亦需要排隊使用自動售票機取票。取票後即可出門口排隊上車。由港澳珠澳大橋香港口岸乘坐金巴到珠海口岸過程約45分鐘，連排隊上車落車約1小時。

如何透過微信WeChat購買「金巴非 (港珠澳大橋穿梭巴士車票)」到珠海？

步驟	具體做法
1	微信WeChat搜尋「港珠澳大橋穿梭巴士」
2	點選「服務」
3	點選「車票購買」欄下的「穿梭巴士」
4	點選「香港 -》珠海」單程車票
5	選擇日期、時間、車票數量、閲讀後剔選同意條款、輸入驗證碼後，按「確認購票」。
6	完成付款後可查看「訂單詳情」
7	截圖保留「取票二維碼」，方便於自動售票機取票

去珠海要準備啲咩？

事項	需要準備：
1	香港身份證明文件
2	港澳居民來往內地通行證 (回鄉證)
3	出入境健康申明卡 (健康申報)
4	電話卡 / 上網計劃
5	內地電子支付方式 e.g. 微信Wechat Pay、支付寶Alipay
5	水 / 少量乾糧 / 藥物 / 保暖衣物 / 少量現金以備不時之需

過程 3）抵步後與珠海當地負責人會面

乘撘金巴到珠海後入境時，就要出示出入境健康申明卡 (健康申報) 的二維碼方可入閘。要注意：出入境健康申明卡可於當日出發前先於香港境內填寫，亦可到步珠海入境前填寫。

珠海入境口岸有免費WiFi，無須擔心因上網問題而未能進行健康申報。入閘後就要再次出示身份證明文件入境。入境後幾乎一出門口就係集合地點大橋珠海口岸Z06出口，一般珠海當地負責人就會在此等侯。如果見唔到就可以打俾當地負責人。

過程 4）乘坐專車到指定地點午膳

成功同珠海負責人會面之後，我地就去左口岸下面嘅停車場上左架7人車到中山，過程約1小時。到左中山附近後，負責人就聯絡時代美辰銷售代理，發現樓盤暫時比較多人參觀，所以就直接去左時代美辰附近約5分鐘車程嘅一間酒樓飲茶。

酒樓算係比較受歡迎，我地去到嘅時候大概11點幾，但係都幾乎滿座。酒樓野食非常不錯，珠海負責人、司機、同行一對夫婦連同小編我一共5個人食，有6-7個餸同點心加白飯，酒樓環境同廁所都乾淨衛生。以睇樓團嚟講，小編俾80分！

過程 5）順序到三個樓盤參觀

1. 中山西區「時代美辰」

小編當日參觀嘅第一個樓盤就係時代美辰，現時已經係現樓狀態，價錢大約每平方HK$12,000。以配套嚟講，時代美辰附近嘅食肆、交通、醫療等比起遠洋繁花里同華發觀山水更為完善。

時代美辰嘅內園裝修堪稱華麗、有豐富綠植同水景、樓間距寬闊、人臉及指紋識別入樓、樓盤自帶圖書館；室內精裝包括廚房廁所嘅用料品質都係非常好，廚房電器都係用有名嘅品牌、浴室門係三段式趟門、精裝有中空隔音玻璃等等都突顯出萬幾蚊一平方應有嘅質素。

2. 中山神灣「遠洋繁花里」

遠洋繁花里號稱有50%業主都係香港人！點解咁多人買？小編個人認為最重要係價錢平，每平方約HK$6000-HK$8000。樓盤環境、空氣、人口密度都比中山市中心嘅樓盤好，景觀開揚，樓幢有江景山景。

而且有直通巴直接返香港，非常適合退休、養老、渡假之用。另外，發展商「遠洋」屬於央企，而且樓盤現時已有現樓，所以信心有保證。不過價錢平同樣有較遜色嘅地方，例如樓盤配套未必有時代美辰完善，內園裝飾、户型用料亦明顯不及時代美辰。

3. 中山三鄉「華發觀山水」

小編當日去華發觀山水簡直係人山人海，感覺睇樓嘅有一半係內地人；一半係其他香港睇樓團嘅香港人。小編個人認為華發觀山水係3個樓盤入面性價比最高。華發屬於國企，唔洗擔心樓盤建築質素問題；價錢適中每平方約HK$8000；樓盤有一線湖景，景觀優美；樓盤自帶商業街有一定配套；樓間距寬闊，內園裝修舒適；室內精裝應有嘅都叫做有。

所以無論係退休、養老，還是後生仔想反大灣區中山發展，以同樣價錢，應該都好難揾到有比華發觀山水更好嘅同期樓盤！

過程 6）乘坐專車到口岸自行乘撘金巴回港

睇完樓盤回程嘅時候會坐反專車到珠海口岸。如果趕住反香港嘅朋友就要留意，因為回程時接近下班時段，所以當日都有少少塞車，花左一段時間先上到高速。假如想早少少回港亦可以通知V+負責人。另外，去到港澳珠澳大橋珠海口岸回程香港時，如果好似小編咁無提前買金巴非，口岸內都有自動售票機供乘客即時購票即時上車，所以唔洗太擔心！