【比亞迪電動車】國產 BYD ATTO 3 有驚喜？

國內車廠比亞迪 BYD 出品嘅純電動 SUV ATTO 3 去年係香港收獲大量訂單，而2023 年亦持續發光發熱！究竟點解 ATTO 3 會咁備受矚目、甚至話買 ATTO 3 好過買 Model Y？電動車售價持續上漲，ATTO 3 反而減價又點睇？

ATTO 3 外型唔會經常撞款？

比亞迪 BYD ATTO 3 由外型有亞迪全球設計總監 Wolfgang Egger 操刀，用最新龍顏 Dragon Face 3.0 設計。話明係龍，全車設計幾乎都滲透著龍嘅特徵，包括車頭「八字型」LED 有「龍的觸鬚」嘅感覺；車側近車尾位置都有類似「龍鱗」型態嘅飾版；連車身顏色都有傳統青藍仿龍顏色嘅選擇。

至於 比亞迪 BYD ATTO 3 嘅內裝同樣配合外觀。儀表版、車門、冷氣機出風口等等都採用極具線條感嘅獨特設計，設計營造出嘅波浪感，完全呼應「龍」嘅主題。整體上明顯有別於市場流行嘅「未來感」電動車風格，而是塑造出概念新穎、別具一格、甚至可以話係有中國特色嘅電動車風格！

ATTO 3 性價比高、好過買 Model Y？

比亞迪 ATTO 3 有兩大車款進軍香港：尊貴型(Advanced)、旗艦型(Superior)，亦即係細電版同大電版。雖然就咁睇數字就同 Model Y 有一定距離，設計、功能、細節上亦未必比得過 Model Y，不過唔好唔記得 ATTO 3 嘅價錢比起 Model Y 平左近3分之1，入門電動車嚟講非常抵玩！如果對車本身無乜特別要求或者愛好，純粹作為代步車的話，入手比亞迪 ATTO 3 係唔錯嘅選擇！另外，可能有啲人的確唔鐘意Tesla嘅設計或類似Tesla嘅具未來感電動車，又或者唔鐘意同人撞款，就非比亞迪 ATTO 3 莫屬啦！

ATTO 3「刀片電池」成最大賣點？

比亞迪自行研發嘅「刀片電池 Blade Battery」有望解決純電動車兩大問題。第一：續航問題。比亞迪號稱刀片電池打破左傳統磷酸鐵鋰電池嘅低能量密度問題，有超長嘅電池壽命之餘，續航更提升超過50%以上。第二：安全問題。傳統鋰電池係進行「穿刺試驗」時會發生短路、產生高温、發生爆炸，亦即係傳統鋰電池極為不穩定。

呢個都係大家見到點解撘飛機果時，鋰電池唔俾寄艙或者要加錢先俾寄嘅原因；相反，刀片電池進行穿刺試驗果時，因為刀片式構造，所以產生高温、冒煙、發生爆炸嘅機會相對較低，而且據報連Telsa都選購，所以科技本身都叫有信心保證。