天水圍好去處！加映深圳灣一日遊！

天水圍一日遊 2 大好去處！

香港濕地公園

觀鳥屋

濕地保育區總共有三間觀鳥屋，都可以觀賞到唔同嘅鳥類同動植物～不過去嘅時候就要留意啦，夏天7、8月多數睇到嘅係黑翅長腳鷸同金眶鴴。而著名嘅黑臉琵鷺可能就要等到明年1月先有機會睇到啦！

紅樹林浮橋

企係浮橋上面有融入紅樹林嘅感覺，可以近距離觀察到紅樹嘅姿態，仲可以睇到獨特動物嘅棲息地，例如係彈塗魚鑽洞嘅模樣、招潮蟹爬樹嘅生活習性，睇到佢地點樣係各種環境壓力下生存！

蝴蝶園

蝴蝶園佔地2,000平方米，有超過60種蝴蝶喜愛嘅蜜源植物，7-9月有機會睇到行蹤隱秘、難得一見嘅巴黎翠鳳蝶、黃斑弄蝶、黑脈蛺蝶、統帥青鳳蝶等珍稀蝴蝶物種！

水知園 H2OPE Centre

水知園係水務署設立嘅水資源教育中心，入面有多個展區同互動遊戲，一家大細都可以了解到水資源嘅相關資訊，例如係水循環嘅過程、水務署工程所採用嘅技術同設備、水同氣候變化嘅關係等！

天水圍「四大」 Shell Recharge 充電站

天水圍一日遊，又點少得泊車充電！Shell Recharge 喺天水圍一共有4個充電站，總有一個喺附近！4個充電站入面加埋有近70枝充電樁，AC中充支援Type 2連接器；DC快充支援CCS2連接器。其中重點推介位於「元朗天水圍天瑞路76號天逸邨商舖及停車場3樓」嘅天逸邨Shell Recharge充電站總共有13枝AC快充，支援Type 2連接器，充電功率最高可達7kW。而領展旗下嘅天逸停車場時租泊車HK$19-23；每12小時收費星期一至五HK$110、星期六、日及公眾假期HK$140，啱晒去天水圍玩足一日、泊足一日、充足一日呀！

Shell Recharge充電方案
小編推薦兩個充電方案：
1）如果去天水圍濕地公園或者水知園，就可以揀「AC中充4小時(最多15度電)」HK$50；或者係「AC中充8小時(最多30度電)」HK$100。去其中一個地方估計都未必玩到12個小時，如果純粹去一個景點，再加上去附近食下野，充4/8個鐘應該點都夠晒架啦！
2） 如果去深圳灣一日遊，泊架車喺天水圍再過關，真正玩足成日，就可以揀「AC中充12小時(最多70度電)」HK$231。而家仲有75折優惠，計返只係$2.8 /1度電。放低架車充電就可以安心去深圳灣玩啦，返到香港個人雖然攰，但係架車就一定已經Power Up！

天水圍 Shell Recharge 充電站一覽⚡️
1）天逸邨Shell Recharge (元朗天水圍天瑞路76號天逸邨商舖及停車場3樓)
13枝AC中充
2） 天澤邨 Shell Recharge (天水圍天瑞路77號)
11枝AC中充
3）T-Town North Shell Recharge (元朗天水圍天華路33及39號T Town North停車場2樓)
27枝AC中充、6枝DC快充
4） 天華邨 Shell Recharge (元朗天水圍天壇街21號天華邨商舖及停車場L2層)
12枝AC中充

同場加映：深圳灣一日遊！

天水圍去深圳灣好方便！搭新界專綫小巴618線，由天恩邨上車，途經香港濕地公園，最後抵達深圳灣口岸，絕對可以去完濕地公園再去深圳灣玩！由深圳灣口岸一出，穿過巴士站就會見到網約車上車點。呢個時候就去邊都得啦，包括近月熱爆嘅歡樂港灣，有深圳最高嘅摩天輪、大草地，行到攰仲可以租架電動遊覽車，一路欣賞海天一色嘅風景，一路睇燈光秀同巨幕表演！