深圳東門「衣江山」3,000平方米倉儲式百貨店｜抵過Costco、山姆！

深圳Costco、山姆就聽得多同去得多啦，深圳東門嘅「衣江山」倉儲式百貨店全國有多間分店，主打男女服裝、家庭用品、床上及生活用品批發。網民大讚價格甚至比網上淘寶還要平，更可節省運費，簡直匪夷所思！

「衣江山」倉儲式百貨店乜野最抵買？

男女服裝的售價普遍在人民幣¥19-49之間，可以盡情選購平日休閑服裝；10包家庭裝紙巾¥10，平均每包¥1，避免兩手空空，回港前不妨買兩抽；衣江山洗潔精5公升裝¥15，買一桶足夠屋企用一年；超值不銹剛碗碟廚具¥10起；多款運動鞋、休閑鞋¥39起；家用拖鞋¥6起；廁所洗漱用品¥1起。

點去「衣江山」東門印象城店？

公共交通工具最方便就係搭地鐵，由羅湖口岸站搭2個站就會到「老街站」，老街站一出就係羅湖一大景點——東門老街，成條街有商場、有小食、有餐廳、有茶飲店，係羅湖最大嘅消費熱點之一。東門老街行到尾就會到「東門印象城」，果度嘅F1層就有「衣江山」啦！除此之外，如果想食野仲有海鮮自助餐、扒房添！