馬鞍山一日遊: 探索馬鞍山 Shell Recharge

馬鞍山喺近年發展嘅沿海新市鎮，附近究竟有咩好玩？今次小編就隆重推介幾個好地方，適合親子朋友一齊玩樂！當中包括「白石BBQ燒烤場」、「馬鞍山鐵礦場」，同埋充滿挑戰嘅「馬鞍山郊野公園至昂平」行山路線！如果想沿途欣賞山水風光，仲有馬鞍山海濱長廊短途單車路線添！

1）白石BBQ燒烤場

週末去邊度玩？白石BBQ燒烤場就最適合一家大細玩樂，約埋朋友一齊燒嘢食都仲得！白石BBQ燒烤場嘅賣點就係可以係海邊獨立屋BBQ，有獨立嘅BBQ花園，春夏秋冬落住雨都可以燒嘢食，仲可以欣賞海景，休閑寫意！獨立屋內嘅冷氣房有麻雀枱、梳化、電視同影音系統，可以一路燒嘢食，一路唱卡拉OK同睇戲，仲有多種益智遊戲免費借用添！十人套餐包食物同場地，食物用上蔬菜及生果汁醃製，不含味精，安全、天然又環保，食得安心又放心，平均每人都係HK$298.8起！揸車來回亦非常方便，綽德停車場八達通入閘，收費每小時HK$17。

地址：新界馬鞍山白石第1950號

2）馬鞍山鐵礦場

馬鞍山礦場曾經喺全港最大嘅商業開採礦場！自1906年起就有開採鐵礦紀錄，全盛時期礦工超過3000人，主要出產磁鐵礦。而經過信義會活化同翻新，並命名為「鞍山探索館」2015年3月起就正式提供服務，開放俾公眾參觀啦！當中昔日嘅信義學校、恩光堂、幼稚園、救濟品儲存倉同教師宿舍已獲評定為三級歷史建築，極具文化同教育意義。同時可以了解馬鞍山「工業遺產」、「礦村遺產」、「宗教遺產」及「自然價值」。公眾可以預約網上報名參加礦山主題導賞團，同時場內有礦工主題Cafe，品嘗礦石曲奇、礦山咖啡同腐乳饅頭等特色食物！

「探索館」地址：馬鞍山村上村35號

3）馬鞍山郊野公園至昂平

康文署都有介紹嘅行山路線！「馬鞍山下過昂平」全程8.5公里，步行需約4-5小時，全程有上坡路及下坡路各一段，屬於新手易行路線，適合一家大細周末郊遊玩樂。路線由耀安邨停車場為起點，入面有Shell Recharge充電站，方便泊車充電！耀安邨沿馬鞍山路迴旋處旁的馬鞍山村路上斜路，步行約45分鐘就會到達馬鞍山郊野公園管理站，起步後沿馬鞍山郊遊徑就會登上昂平觀景台，可以俯瞰西貢內海同南中國海嘅獨特景色，然後經茅坪往下行到富安花園，最後可到港鐵大水坑站回程。小編提提大家：路線山嶺部分沿途無遮陰設施，所以出發前記得帶備防水同防風嘅衣物，以防驟雨來臨，同時亦要帶備行山同急救用品。

馬鞍山泊車充電之選 – 耀安邨 Shell Recharge充電站！

位於「沙田馬鞍山恆康街2號耀安商場停車場2樓」嘅「耀安邨Shell Recharge充電站」總共有15枝充電樁，包括9枝AC中充同6枝DC快充，支援CCS 2及Type 2連接器。DC快充功率最高可達120kW；AC中充功率最高可達7kW。商場停車場收費方面，領展旗下嘅耀安停車場星期六、日及公眾假期時租HK$21；每12小時收費HK$145；每24小時收費HK$150。打算泊12小時嘅朋友就要留意啦，由於泊足24小時只係比12小時貴HK$5，所以如果由朝玩到晚，揀全日泊確實係比較抵玩嘅！

充電方案方面，小編推薦兩個充電方案：1）「AC日充/夜充12小時(最多50度電)」HK$165。現時有七五折優惠，如果停車場打算泊車12小時的話，去晒馬鞍山鐵礦場、白石BBQ同埋行山，揀呢個12小時充電方案就Fit晒啦，一分鐘都唔會浪費，泊車連充電都係HK$310！2）「60分鐘Super Fast超充(最多50度電)」HK$185。現時有八折優惠，如果只係打算去其中一個景點，中途揾間餐廳醫醫肚，時間有限又需要充電的話，1小時DC超充就啱曬您啦，充電連泊車都係HK$209！

同場加映：馬鞍山短途單車路線！

小編同時推薦同一條可以沿途有山有水嘅短途單車路線！全長約8公里，行程不超過2小時，可視乎喜好進一步縮短行程，又或者本身已自備單車，就可以將路線調轉，由沙田城門河出發！

第一站：「大水坑單車公園」

如果本身無帶備單車，就可以係單車路線嘅第一站大水坑單車公園租單車啦。大水坑單車公園歷史悠久，昔日1970年代「沙田軍用機場」每逢假日，機場就會變成「單車場」，直至2001年10月開始演變成「單車公園」。時至今日，依然感受到當年濃厚嘅玩樂氣氛。

第二站：「烏溪沙公眾碼頭」

馬鞍山海濱長廊嘅盡頭度係烏溪沙公眾碼頭。碼頭上可以享受寧靜嘅海風、海灘上嘅海浪聲，更加有一望無際嘅大海同天空襯托，單車路線嘅第二站就有風景睇，相當完美！

第三站：「馬鞍山公園」

馬鞍山海濱長廊嘅途中會經過馬鞍山公園。公園總耗資9600萬，當中最具特色嘅就係集合咗洋紫荊、鳳凰木、藍花楹、紫花風鈴木、二喬木蘭等花卉品種，稱得上喺香港一大賞花好去處！

第四站就係重頭戲——「馬鞍山海濱長廊」

海濱長廊全長3.2公里，先後進行過三期建造工程，內有健身園地、太極廣場、簕杜鵑園等，可以望到沙田海同遠處八仙嶺嘅景色，真正睇到海天一色嘅美景！

第五站：「雙子橋」

好多單車路線都會有雙子橋，原因無他，一來橋上可以欣賞馬鞍山同大圍嘅景色，黃昏時間更加有電影級落日景觀。二來雙子橋其實係往返沙田同馬鞍山嘅必經路線。

單車路線第六站：「沙田城門河」

城門河全長7公里始於大圍，貫穿沙田。沿河兩岸風光秀麗，唔少居民都會喺河邊慢跑同釣魚，仲有機會睇到划艇隊訓練添。

馬鞍山短途單車路線泊車充電之選：顯徑商場 Shell Recharge充電站！

如果想將單車路線延長，由大圍顯徑出發，就可以係「沙田大圍車公廟路69號顯徑商場停車場B層」嘅顯徑商場 Shell Recharge充電站泊車充電啦！充電站總共有13枝充電樁，包括9枝AC中充同4枝DC快充，支援CCS 2及Type 2連接器。DC快充功率最高可達100kW；AC中充功率最高可達7kW。商場停車場收費方面，領展旗下嘅顯徑停車場星期六、日及公眾假期嘅時租泊車為HK$26，但12小時收費就只需HK$110。

充電方案方面，小編推薦一個充電方案：「12小時AC7kW中充(最多50度電)」HK$165。如果都打算沿途慢慢欣賞風景的話，就可以選擇長時間嘅充電方案啦，現時仲有七五折優惠添！比起短時間快充，長時間嘅中充可能會更著數，事關Shell Recharge充電站都有一個特點，就係充滿電之後可以係原地享受埋剩餘嘅泊車時數，期間唔需要再挪移自己架愛車，咁就泊得安心又放心啦！

馬鞍山短途單車路線泊車充電之選：愉翠商場(A) Shell Recharge充電站！

如果將單車路線縮短，改由沙田出發，位於「沙田小瀝源牛皮沙街 2 號愉翠商場停車場2樓」愉翠商場(A) Shell Recharge充電站就啱晒啦！充電站總共有18枝充電樁，包括12枝AC中充同6枝DC快充，支援CCS 2及Type 2連接器。DC快充功率最高可達120kW；AC中充功率最高可達7kW。商場停車場收費方面，領展旗下嘅愉翠A停車場星期六、日及公眾假期嘅時租泊車，跟馬鞍山耀安停車場相若，都係HK$24，但係12小時收費就平得多，只需HK$120，所以非常適合短途單車一日遊！

充電方案方面，小編推薦兩個充電方案：1）「60分鐘Super Fast超充(最多50度電)」HK$185。如果打算超短途單車路線又急需充電的話，DC快充就喺不二之選，短時間內為愛車power up！2）「2小時AC7kW中充(最多7.5度電)」HK$25。如果純粹唔想浪費時間，泊車順便充一充電，又無太大迫切需要嘅話，HK$25平價充電方案就好吸引啦，充電連泊車都喺HK$73，荷包唔會太肉痛！