Shell Recharge 充電指南

Shell Recharge 最佳付費充電站？

香港充電設施「求過於供」，每日繁忙時段都有大量車主排隊等充電！而 Tesla 超充更於過去一年三度加價，最新8月已加到每度電HK$4.05！大環境影響下，Shell Recharge 成最佳付費充電站？

Shell Recharge 每度電幾錢？

根據Kilowatt 分析，Shell Recharge 中充平均每度電只需約HK$3.3；快充每度電則約$3.9。咦？都唔係平好多咋喎！等等先，唔好心急！適逢 Shell香港踏入第110周年，由即日起至12月31日，只要於 Shell Recharge 網站或手機App惠顧「Shell Recharge 電動車充電服務」滿HK$100或以上，即可使用HK$22優惠券一次。每位新用戶共有5張優惠券，總值HK$110 即是每位新用户最高可享有5次78充電折扣優惠！如果計埋時不時做嘅充電計劃優惠，喺每日任何時段充50度電快充平均可以低至每度電$2.7架。

Shell Recharge 充電快唔快？

Shell Recharge充電設施主要集中繁忙人多嘅九龍新界地段，淨係尖沙咀都有4個充電站！分位於中港城、康宏廣埸、K11購物藝術館及K11人文購物藝術館。Shell Recharge充電站最高支援300kW嘅快充🚄，任何擁有CCS Combo 2 接頭嘅電動車都可使用；如果快充俾人用緊仲有7-11kW嘅中充可以補上！荃灣愉景新城、東涌富東邨、黃大仙樂富生活創庫、赤柱廣場等都有10個以上嘅中充充電樁，唔怕排長龍！最後提提大家， Shell Recharge唔同坊間一般以時間嘅收費模式，車主買到嘅係可以停泊而唔洗罰款嘅時間，即係話如果你買左60分鐘嘅充電計劃，就算15分鐘已經幫你架車充完電，你都唔洗即刻急急腳走。

點用「Shell Recharge 電動車充電服務」？

充電秘技：開始充電前，要先插好電動車充電線，然後掃描QR Code選擇充電方案。過程須在90秒內完成整個程序，如充電不成功，並不會扣取任何費用，大家可以拔槍重新嘗試

Shell Recharge 詳細充電步驟

查看所有 Shell Recharge 充電站。
查看所有 Shell Recharge 充電站的收費。