【六大最受女車迷歡迎靚仔賽車手】F1 一級方程式新手入坑

F1 賽車手個個都年紀輕輕，20 歲出頭靚仔之餘揾錢又多！追球星就追得多，F1 帥氣車手你又見過未？Kilowatt 小隊今次帶大家介紹 F1 賽車夢。點解 F1 咁令人著迷？跟其他運動有咩分別？點解吸金能力咁強？小編即刻講解～

 F1 簡單介紹

一級方程式賽車係由國際汽車聯合會(FIA)舉辦的最高等級的賽車比賽。F1 有幾巴閉？ 最近幾年的 F1 賽事只有 10 支車隊、20 多個車手參賽，簡單啲講就係一開波就係世界杯決賽週咁。而且 F1 嘅車手都必須持有 FIA 核發的「超級駕照 (Super License)」先可以參賽，而想獲得 Super License 就要不斷不同的賽車比賽而且獲得相當好嘅成積，累積夠積分先有。難度之高根本無法想像，所以參加得 F1 嘅都係人中之龍、精英中嘅精英。

F1 點解咁吸引？

速度與激情，堪稱地球極限運動！想像一下車手係狹窄空間入面半坐半臥下以時速超過 300 公里嘅速度下賽車。高速環境下對車手嘅壓力倍增，無論扭動方向盤、踩踏板剎車還是過彎加速嘅時候都要承受極高嘅重力負荷 G Force。

而且仲要係咁極端嘅環境下比賽，戰勝對手， 一場比賽的勝負往往都係以「秒」數計，車手會更加血脈沸騰。加上深知只要出現少少意外，輕則就已經會重傷，重則就會粉身碎骨。係咁嘅情況下睇 F1 嘅人都會感受到緊張刺激嘅氣氛！

F1 六大最受女性車迷歡迎車手！

1. Charles Leclerc 陸克萊 (Ferrari) 25歲 IG人氣最高！

25 歲嘅 Charles Leclerc 目前效力 Ferrari 法拉利車隊，身價估近1億港幣！Charles Leclerc 作為摩納哥車手嘅成名之路一啲都唔簡單，由 8 歲開始就參加卡丁車比賽，賽車職業生涯超過16年，期間獲獎無數，由 2005 年獲法國 PACA 錦標賽冠軍到於 2022 年 F1 排名第二，距離冠軍一步之遙，究竟 2023 年能否登頂？Charles Leclerc 嘅私生活同樣精彩，剛剛 2022年12月跟 Charlotte Siné 宣布分手，對上一任為意大利模特兒 Giada Gianni！現時人氣極高嘅 Charles_Leclerc 有近1000萬IG Followers～

2. George Russell 羅素 (Mercedes) 25歲 高顏值車手！

同樣為 25 歲嘅 George Russell 來自英國，現時為 Mercedes 平治車隊效力，身價估近 8000萬港幣！George Russell 由 7 歲開始接觸卡丁車，到 F4、F3、F2 一直過關斬將直至 2019 年成為 F1 車手，再到 2022 年澳洲大獎賽上獲得生涯第一座分站季軍，F1 排名第四。值得一提係 George Russell 嘅人生態度，佢曾經係Twitter發文 “If in doubt, go flat out”，意思即係當懷疑自己嘅時候，踩油博盡無悔！嚟緊 2023 年 F1 繼續期待 George Russell 嘅表現！Georgerussell63 有超過400萬IG粉絲～

3. Pierre Gasly 加斯利 (Alpine) 27歲 成熟型男！

法國賽車手 27 歲嘅 Pierre Gasly 目前效力 Alpine 車隊，身價預估超過 1億港幣！Pierre Gasly 由 10 歲開始賽車生涯，2008 年法國少年錦標賽獲得第 4 名，一直締造歷史到 2013 年 10 月成為雷諾方程式 2.0 歐洲盃奪冠的最年輕車手，2016 年只有20歲的 Pierre Gasly 贏得第一個 GP2 世界錦標賽世界冠軍頭銜。關於 Pierre Gasly 有2個不為人知嘅秘密，就係據傳賽車都可以無畏無懼嘅佢，竟然最怕嘅係蛇，仲話最唔鐘意就係蛇添。而最令佢著迷嘅係一款香港人都好鐘意嘅甜品tiramisu。現時 Pierregasly 有超過380萬IG粉絲～

4. Lando Norris 諾里斯 (Mclaren) 23歲 實力帥氣代表！

23歲嘅 Lando Norris 跟 George Russell 一樣都係英國賽車手，目前為 Mclaren 麥拿侖車隊效力，身價估超8000萬港幣！Lando Norris 早係 2013 年就已經係卡丁車錦標賽世界冠軍，一直斬獲多個大賽獎項，到 2018 年年僅 19歲 嘅佢已經成為 F1 賽車手。特別嘅係 Lando Norris 同時係一名 Twitch 網絡遊戲主播，直播玩 PUBG 同賽車Game。更戲稱自己係全職主播；兼職賽車手；業餘高爾夫球手，係 Twitch 已經有超過133萬followers。同時，Lando Norris 係電競隊伍 Quadrant 的創辦人，遊戲主播身份無人不知！Landonorris有近600萬IG粉絲，當中有唔少係佢作為主播嘅粉絲～

5. Oscar Piastri (Mclaren) 21歲 迷人小鮮肉！

年僅21歲嘅 Oscar Piastri 為澳洲車手，跟 Lando Norris 一樣為 Mclaren 麥拿侖車隊效力，身價估愈 3億港幣，吸金能力極強！Oscar Piastri 10歲開始賽車，12 歲時就已經係職業賽車手。2016 年開始 F4 賽事，2020 年 F3 冠軍、2021 年 F2 冠軍，到 2023 年為 Mclaren 參加F1賽事。雖然年齡尚淺，不過好多人都睇好 Piastri為未來世界冠軍。現時可以係佢嘅個人網站關注佢嘅賽車消息，仲可以係網站上購買相關嘅型格週邊產品例如 T-Shirt、Polo Shirt、Hoodie、Cap帽等等，即刻追星、關注年輕小鮮肉！Oscarpiastri 係IG有超過62萬粉絲～

6. Logan Sargeant (Williams) 22歲 嶄露鋒芒！

22歲嘅 Logan Sargeant 為美國 8 年來第一個 F1 賽車手、美國 00 後賽車代表，目前效力威廉氏 Williams 車隊，身價估愈 3000 萬港幣！Logan Sargeant 7歲開始卡丁車生涯並攞過世界冦軍，成積對比其他F1車手唔算話特別輝煌，除左 F4 攞過冠軍，F3、F2 最好成績為第 3同第 4，夠積分去 F1 都可以話係有少少彩數成份。不過Logan Sargeant 勝在樣貌帥氣十足，有經典美國人嘅迷人眼神、荷李活演員嘅顏值，俘獲眾多年輕女車迷嘅歡心。簡單嚟講就係有實力有顏值，睇比賽加埋睇靚仔，絕對係一種享受！而家 Logansargeant IG已經有超過223萬粉絲～

一級方程式 F1 2023 開賽日期

2023年 F1 一級方程式賽車嚟緊 2023 年 3 月 5 日於巴林站展開，同年 11 月 26 日的阿布扎比站完成，共有 23 個分站，包括沙烏地阿拉伯、澳洲、亞塞拜然、邁阿密、艾米利亞羅馬涅、摩納哥、西班牙、加拿大、奧地利、英國、匈牙利、比利時、荷蘭、義大利、新加坡、日本、卡達、美國、墨西哥、巴西賽、拉斯維加斯同阿布達比。其中最接近香港嘅應該就係新加坡同日本啦，賽事分別係 2023 年 9 月 17 同 24 日展開，有興趣嘅朋友就要留意啦！

睇 F1 新手點入坑？

Kilowatt 小隊建議可以先從 Netflix 同 F1 合作嘅 Formula 1 Drive to Survive 真人體育紀錄片開始，劇集紀錄F1各隊之間分秒必爭嘅競爭競賽以及車手嘅艱苦訓練、變化同表現。

同時揭露F1不為人知嘅比賽內幕，仲包括埋驚心動魄嘅車禍同意外。劇集由2019年開始到2022年已經出到第4季。嚟緊第5季會係2023年2月24日開始，一齊睇睇F1賽車手如何施展渾身解數爭勝，感受賽車嘅速度與激情，同時留意今次介紹嘅最受女性車迷歡迎車手，睇靚仔睇比賽！